Правна анализа на законот
- Назив на закон и број на Службен весник (последна измена или дополнување)
Закон за енергетика („Службен весник на Република Македонија“ бр. 16/2011, 136/2011, 79/2013, 164/2013, 41/2014 и 151/2014).
- Дали законот предвидува собирање на лични податоци и во која форма? (евиденција, регистар, база)
Евиденција на корисници на системот.
- За која цел е предвидено собирањето на личните податоци? Дали целта е јасна?
Користење на системот.
Податоците на корисниците наведени во ставот (1) на овој член можат да се користат заради:
1) уредување на договорни односи (приклучување на системите за енергија или природен гас, испорака на енергија или природен гас итн.);
2) наплата на побарувањата;
3) водење на судски или управни постапки и
4) комуникација со корисниците заради исполнување на обврските од овој закон и прописите донесени врз онова на овој закон.
- Кои категории на лични податоци се предвидени? Дали обемот одговара на целта?
Корисниците на системот се должни да обезбедат контакт податоци – име и презиме, адреса, матичен број, број на документ за идентификација, телефон, факс, е-пошта на соодветните оператори на системот кој го користат, како и на снабдувачите со енергија, односно природен гас и на трговците заради вршење на енергетски дејности и обезбедување на јавна услуга.
- Кој првично ги собира податоците? (компанија, институција)
Операторите на системите.
- Дали за некоја категорија на лични податоци е предвидена согласност од субјектот за нивна обработка?
Не.
- Дали се предвидени јасни и конкретни рокови на чување на личните податоци?
При престанување на договорните односи, податоците за корисниците се чуваат за период од три години од денот на издавањето на последната сметка на корисникот за обезбедените услуги согласно со овој закон.
- Дали постои посебен член за заштита на личните податоци кој јасно укажува на примена на технички и организациски мерки?
Операторите на системите, како и снабдувачите со енергија, односно природен гас и трговците се должни да водат евиденција на корисниците на системот која ги содржи податоците и истите имаат право да ги обработуваат, ажурираат и разменуваат меѓу себе заради остварување на обврските кои произлегуваат од овој закон и прописите донесени врз основа на овој закон да ги доставуваат на барање на државните органи и судовите, како и на други органи и организации во постапка согласно со закон.
- Дали обработката на податоците предвидена во овој закон е или треба да е поврзана и со примена на друг закон?
Закон за облигационите односи.
- Дали постојат исклучоци за обработка на чувствителни лични податоци? (ЕМБГ, биометрија, видео надзор)
ЕМБГ.